გიორგი შაქარაშვილის მკვლელობაში ბრალდებული ნიკოლოზ რევაზიშვილის ძმის განცხადებით, თუ საქართველოში ყველა ინსტანცია გამამტყუნებელ განაჩენს გამოიტანს, სტრასბურგის სასამართლოს მიმართავენ

ფეხბურთელ გიორგი შაქარაშვილის მკვლელობაში ბრალდებული ნიკოლოზ რევაზიშვილის ძმის, ვახო რევაზიშვილის განცხადებით, თუკი, საქართველოში ყველა ინსტანცია გამამტყუნებელ განაჩენს გამოიტანს, ისინი საქმეს სტრასბურგის სასამართლოში წაიღებენ.

რევაზიშვილის თქმითვე, შესაძლოა, ბრალდებულების ოჯახის წევრებმა აქციები გამართონ.

„რეალურად ორი ვარიანტია, მოსამართლე გაყიდულია და გამამტყუნებელ განაჩენს გამოიტანს, ან მოსამართლე იმსჯელებს ობიექტურად, შეაფასებს საქმის მასალებს და გამამართლებელ განაჩენს გამოიტანს. წინასწარ ვერაფერს გეტყვით იქიდან გამომდინარე, რომ არ შემიძლია მოსამართლე სტურუას თავში ჩავიხედო. შესაბამისად, განაჩენს დაველოდებით და შემდეგ გავაკეთებთ განცხადებას, თუ რა იქნება ჩვენი სამოქმედო გეგმა. თუ გამამტყუნებელი განაჩენი იქნება, თავიდან ბოლომდე ვიბრძოლებთ და ამ სისტემას გავაშიშვლებთ. ეს იქნება პროტესტიც და სამართლებრივი ბრძოლაც. სავარაუდოდ, აქციებს გავმართავთ", - განაცხადა რევაზიშვილმა.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული