ნინო ლაცაბიძე - ჩვენი დაპირება იყო "გარემოსდაცვითი პასუხისმგებლობის შესახებ" კანონის მიღების ბოლომდე მიყვანა - დაპირება შესრულებულია!

საქართველოს პარლამენტის წევრის, N12 მაჟორიტარულ ოლქში რუსთავის და გარდაბნის დეპუტატის ნინო ლაცაბიძის განცხადებით, "გარემოსდაცვითი პასუხისმგებლობის შესახებ" კანონის მიღება, ქვეყნისთვის და განსაკუთრებით რუსთავისა და გარდაბნის მოსახლეობისათვის უაღრესად მნიშვნელოვანია.

ნინო ლაცაბიძის თქმით, „ქართული ოცნების“ დაპირება იყო კანონის მიღების ბოლომდე მიყვანა, რაც შესრულებულია.

„წლებია ეს პრობლემა ჩვენს ქალაქში დგას და მოსახლეობა ითხოვს ამ გამოწვევის ეფექტურ დაძლევას. ჩვენი დაპირება იყო ამ კანონის მიღების ბოლომდე მიყვანა. დაპირება შესრულებულია! საქართველოს კანონი "გარემოსდაცვითი პასუხისმგებლობის შესახებ" მე-10 მოწვევის პარლამენტის მიერ, მე-3 მოსმენით მიღებულია! ახლა ყველანი უნდა გავერთიანდეთ, რომ შევძლოთ ამ კანონის ეფექტურად აღსრულება”, - აღნიშნა ნინო ლაცაბიძემ, რომლის კომენტარსაც პრესსამსახური ავრცელებს.

პარლამენტმა “გარემოსდაცვითი პასუხისმგებლობის შესახებ“ კანონპროექტი და მისგან გამომდინარე 7 პროექტისაგან შემდგარი საკანონმდებლო პაკეტი მესამე მოსმენით დაამტკიცა. აღნიშნული პროექტი ორი მოსმენით წინა მოწვევის პარლამენტმა განიხილა და მიიღო.

პროექტი “გარემოსდაცვითი პასუხისმგებლობის შესახებ“ ითვალისწინებს შეიქმნას სამართლებრივი მექანიზმები გარემოსათვის მიყენებული ზიანის პრევენციის, შერბილების ან აღმოფხვრის მიზნით, შემოიღოს მკაცრი გარემოსდაცვითი პასუხისმგებლობის სამართლებრივი რეგულირება. კერძოდ, კანონის მიზანია გარემოზე ზიანის მიყენების საკითხების სამართლებრივი რეგულირება, “დამბინძურებელი იხდის“ პრინციპის შესაბამისად.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა