გიორგი ჩალაძე - კატეგორიულად ვაცხადებთ, ჩინურ ვაქცინას არ შემოვატანინებთ!

კატეგორიულად ვაცხადებთ, ჩინურ ვაქცინას არ შემოვატანინებთ, დღეისთვის ჩინური ვაქცინა არ არის სანდო, - ამის შესახებ “ნაციონალური მოძრაობის“ წევრმა გიორგი ჩალაძემ საქართველოში კორონავირუსის ვაქცინაციის დაწყების შეფერხებაზე საუბრისას განაცხადა.

როგორც ჩალაძე „ინტერპრესნიუსთან“ აცხადებს, ხელისუფლება ვალდებულია საზოგადოებას გასცეს პასუხი კითხვაზე, თუ რატომ არ დაიწყო ქვეყანაში ვაქცინაცია.

„ჩვენი ქვეყნის მთავარი პრობლემა არის პასუხისმგებლობა და ანგარიშვალდებულება საკუთარ ხალხთან. ერთხელ და სამუდამოდ, საქართველოში უნდა ვისწავლოთ, მოვთხოვოთ პასუხი მთავრობის პირებს, მივიღოთ ის კუთვნილი პასუხები, რაც ჩვენ გვეკუთვნის.

მთავრობა პასუხისმგებელია გაგვცეს კონკრეტული პასუხი კითხვაზე, რატომ არ გვაქვს საქართველოში ვაქცინა, ჩვენ არ უნდა ვფიქრობდეთ, რატომ არ არის ვაქცინა, უნდა მოვთხოვოთ, სად არის. მთავრობა, რომელიც ვერ უზრუნველყოფს საკუთარი ხალხის დაკვეთას, სახლში წასასვლელია.

ვაქცინის არქონის მთავარი პრობლემა არის ანგარიშვალდებულობის შეგრძნების არქონა, მეტი არაფერი. ვაქცინა უნდა შემოეტანათ. ჩვენ, ხალხმა, დავუკვეთეთ ვაქცინა მთავრობას, გადავუხადეთ ფული და შედეგი არ მიგვიღია. ახლა უნდა დააბრუნონ ფული, ან უნდა ჩამოიტანონ ვაქცინა.

კატეგორიულად ვაცხადებთ, ჩინურ ვაქცინას არ შემოვატანინებთ! დღეისთვის ჩინური ვაქცინა არ არის სანდო, არ არის ჩატარებული კვლევები. ჩინური ვაქცინაციით შედეგს არ მივიღებთ“,-აცხადებ ჩალაძე.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად