გიორგი ჩალაძე - მთავრობა უნდა მიხვდეს, რომ ბრძოლა წააგო - გადაწყვეტილება, „კოვაქს“ პლატფორმა ყოფილიყო ვაქცინის ძირითადი მომწოდებელი, იყო შეცდომა

მთავრობა უნდა მიხვდეს, რომ წააგო ბრძოლა საკუთარ ხალხთან. ჩადენილია დანაშაული, ოღონდ არასამართლებრივი. შეცდომამ გამოიწვია ზარალი, რომელიც არის ადამიანების სიცოცხლე. მთავრობა უნდა მოდუნდეს და თქვას - მე შემეშალა, თქვენ რასაც მეუბნებოდით, არის მართალი, - ამის შესახებ „ნაციონალური მოძრაობის“ წევრმა, გიორგი ჩალაძემ „პალიტრანიუსის“ ეთერში, გადაცემაში „დღის ნიუსრუმი“ საქართველოში კორონავირუსის ვაქცინაციის დაწყების შეფერხებაზე საუბრისას განაცხადა.

მისივე თქმით, მთავრობის გადაწყვეტილება, რომ „კოვაქს“ პლატფორმა ყოფილიყო ძირითადი ვაქცინის მომწოდებელი იყო შეცდომა და „კოვაქსი“ იდეაშიც კი ვერ შეძლებდა ამ დროში ვაქცინების მოწოდებას.

"ჩვენ თავი არ უნდა ვიმტვრიოთ და არ უნდა ვეცადოთ გამოსავლების ძებნა. მთავრობამ ვერ შეასრულა დაკვეთა. საქართველოს მოქალაქემ დაუკვეთა მის დაქირავებულ მთავრობას კონკრეტული შედეგის მიღება, გადაიხადა ფული გადასახადების სახით და მთავრობამ ნაკისრი ვალდებულება ვერ შეასრულა. შედეგი არის ის, რომ საქართველოში არ არის ვაქცინა. პასუხისმგებელი არის პრემიერ-მინისტრი, ჯანდაცვის მინისიტრი და ყველა შესაფერისი დაწესებულება. ადამიანების სიცოცხლე რომ გადაგვერჩინა, ჩვენ უნდა გვქონოდა ვაქცინა, ამ შემთხვევაში მის ფასს მნიშვნელობა არ ჰქონდა. მთავრობამ სტრატეგიული შეცდომა დაუშვა, როდესაც მთავარი გათვლა გააკეთა მომწოდებელზე, რომელიც ვერ შეასრულებდა ვალდებულებას. „კოვაქს პლატფორმა“ არის ერთ-ერთი ყველაზე უსაფრთხო მინიმუმის მომწოდებელი.უნდა გვქონოდა პირდაპირი მოლაპარაკება რამდენიმე მწარმოებელთან, სტრატეგიულ პარტნიორ ქვეყნებთან და ასევე „კოვაქსთან“. მთავრობის გადაწყვეტილება, რომ „კოვაქს“ პლატფორმა ყოფილიყო ძირითადი ვაქცინის მომწოდებელი იყო შეცდომა, „კოვაქსი“ იდეაშიც კი ვერ შეძლებდა ამ დროში ვაქცინების მოწოდებას“, - აღნიშნა გიორგი ჩალაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს