ისრაელი საჰაერო მიმოსვლის ნაწილობრივ აღდგენას 7 მარტიდან გეგმავს. ამის შესახებ ქვეყნის ტრანსპორტის მინისტრმა მირი რეგევმა განაცხადა.
მისი თქმით, მარტის დასაწყისში ქვეყანა ყოველდღიურად რამდენიმე ათასი მგზავრის მიღებას შეძლებს. ახალი რეგულაციების მიხედვით, ქვეყანაში შემსვლელ მგზავრებს ტესტირების გავლა მოუწევთ.
იმ შემთხვევაში, თუ ისინი ვერ დაამტკიცებენ, რომ ვაქცინაცია გაიარეს ან კორონავირუსისგან გამოჯანმრთელდნენ, მათ სავალდებულო კარანტინის გავლა მოუწევთ. ამასთან, ისრაელის ვაქცინირებულ მოქალაქეებს აცრის დამადასტურებელი დოკუმენტების მეშვეობით თავისუფლად გადაადგილება კვიპროსისა და საბერძნეთის მიმართულებით ექნებათ.