ჯო ბაიდენი პირბადეების ტარების ვალდებულების გაუქმებაზე - ეს ნეანდერტალელური აზროვნება და  დიდი შეცდომაა

აშშ-ის პრეზიდენტმა ჯო ბაიდენმა ტეხასის და მისისიპის შტატებში პირბადეების ტარების ვალდებულების გაუქმება გააკრიტიკა და ამ გადაწყვეტილებას "ნეანდერტალელური აზროვნება” და „დიდი შეცდომა“ უწოდა.

„ვფიქრობ, ეს დიდი შეცდომაა. პირბადეები, სოციალური დისტანცირება და სხვა ზომები კვლავ მნიშვნელოვანია, იმ როლის მიუხედავად, რასაც ვაქცინები პანდემიის შეჩერებაში ასრულებენ. ის, რაც ახლა ყველაზე ნაკლებად გვჭირდება, ნეანდერტალელური აზროვნებაა, იმის თქმა, რომ ყველაფერი კარგადაა, მოიხსენი პირბადე და დაივიწყე ის,“- აღნიშნა ბაიდენმა.

პრეზიდენტის კომენტარს ტეხასის და მისისიპის შტატების გუბერნატორები გამოეხმაურნენ.

”მისისიპელებს არ სჭირდებათ მწვრთნელები. რაოდენობის კლებასთან ერთად მათ შეუძლიათ შეაფასონ თავიანთი არჩევანი და მოუსმინონ ექსპერტებს. ვფიქრობ, უბრალოდ ვფიქრობ, რომ უნდა ვენდოთ ამერიკელებს და არა შეურაცხვყოთ ისინი,“- დაწერა მისისიპის გუბერნატორმა, „რესპუბლიკელმა“ ტეიტ რივზმა, „ტვიტერში“.

ტეხასის გუბერნატორის, გრეგ ებოტის, პრესსპიკერის განმარტებით კი „ტეხასელებს გარკვევით უთხრეს, რომ კოვიდი არ დასრულებულა.“

შეგახსენებთ, გუშინ ტეხასის და მისისიპის გუბერნატორებმა განაცხადეს, რომ შტატებში პირბადეების ტარება სავალდებულო აღარ იქნებოდა. ამასთან, ორივე შტატში ბიზნესი მთელი დატვირთვით იხსნება.

იხილეთ ვიდეო:ჯო ბაიდენი პირბადეების ტარების ვალდებულების გაუქმებაზე - ეს ნეანდერტალელური აზროვნება და დიდი შეცდომაა

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 12.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
კახა ოქრიაშვილი - 15 მაისის აქციის სამზადისში აქტიურად ვარ ჩართული