თურქეთის აღმოსავლეთ ნაწილში, ბითლისის პროვინციაში სამხედრო ვერტმფრენის კატასტროფის შედეგად, ცხრა თურქი სამხედრო მოსამსახურე დაიღუპა და ოთხი დაშავდა.

ქვეყნის თავდაცვის სამინისტროს ინფორმაციით, ვერტმფრენი ბინგიოლიდან ტატვანში მიემართებოდა. მასთან კავშირი შუადღით შეწყდა, რის გამოც უპილოტო საფრენი აპარატებით საძიებო სამუშაოები დაიწყო. დადგინდა, რომ ვერტმფრენმა კატასტროფა განიცადა.

მომხდარის მიზეზებად ამინდის გაუარესება და ვერტმფრენის ტექნიკური გაუმართაობა სახელდება.

დაღუპულთაგან ერთ-ერთია ელიაზიგში თურქეთის სახმელეთო ჯარების მერვე კორპუსის სარდალი, გენერალი სემიჰ იშიქვერი.

იხილეთ ვიდეო:თურქეთში ვერტმფრენის კატასტროფას ცხრა სამხედრო პირი ემსხვერპლა