იტალიის მთავრობამ ავსტრალიაში Oxford-AstraZeneca-ს ვაქცინის ექსპორტი დაბლოკა, - ამის შესახებ ინფორმაციას BBC-ი ავრცელებს.

გამოცემის ცნობით, გადაწყვეტილება AstraZeneca-ს იტალიაში მდებარე ობიექტის მიერ წარმოებული ვაქცინის 250 000 დოზას ეხება.

იტალიის საგარეო საქმეთა სამინისტროს განმარტებით, ავსტრალია არ არის "მოწყვლადი" ქვეყნების სიაში, ამასთან, ევროკავშირსა და იტალიაში ვაქცინების მუდმივი დეფიციტია და რომ 250 000 დოზა საკმაოდ მაღალი რაოდენობაა იმის გათვალისწინებით, რა რაოდენობის ვაქცინაც იტალიას და ზოგადად, ევროკავშირს მისცეს.

გავრცელებული ინფორმაციით, იტალიის მთავრობის ამ გადაწყვეტილებას მხარს ევროკომისიაც უჭერს.

ავსტრალიამ ვაქცინაციის პროგრამა გასულ კვირაში, Pfizer/BioNTech -ის ვაქცინის გამოყენებით დაიწყო და დღეიდან პროგრამაში AstraZeneca-ს ვაქცინაც უნდა ჩაერთო. ავსტრალიაში აცხადებენ, რომ ვაქცინის ერთი პარტიის დაკარგვა მათი პროგრამის მიმდინარეობაზე უარყოფით ზეგავლენას არ მოახდენს.