ჟაირ ბოლსონარუ - შეწყვიტეთ წუწუნი და შფოთვა კოვიდ 19-თან დაკავშირებით, კიდევ რამდენ ხანს გაგრძელდება ტირილი?

ბრაზილიის პრეზიდენტი ჟაირ ბოლსონარუ მოქალაქეებს მოუწოდებს, რომ კოვიდ 19-თან დაკავშირებით „წუწუნი და შფოთვა“ შეწყვიტონ.

„საკმარისია შფოთვა და წუწუნი. კიდევ რამდენ ხანს გაგრძელდება ტირილი? კიდევ რამდენ ხანს დარჩებით სახლში და ყველაფერს დახურავთ? ვეღარავინ გაუძლებს ამას. ვწუხვართ გარდაცვალების შემთხვევების გამო, მაგრამ გამოსავალი გვჭირდება,“ - განაცხადა ბოლსონარუმ.

აღსანიშნავია, რომ ბრაზილიაში ოთხშაბათს კორონავირუსით გარდაცვალების რეკორდული დღიური მაჩვენებელი, 1 910 ფატალური შემთხვევა დაფიქსირდა. გასული დღე-ღამის განმავლობაში კი ვირუსით ინფიცირებით 75 102 და გარდაცვალების 1 699 ახალი შემთხვევა დადასტურდა.

ფედერალურმა მთავრობამ ვაქცინების შეძენისა და გავრცელების პროცესი შეანელა. კორონავირუსის საწინააღმდეგო ვაქცინის ერთი დოზა ამ დროისთვის ქვეყანაში მოსახლეობის 3.5% -ზე ნაკლებს აქვს მიღებული.

იხილეთ ვიდეო: ბრაზილიის პრეზიდენტი მოქალაქეებს მოუწოდებს, რომ კოვიდ 19-თან დაკავშირებით "წუწუნი და შფოთვა" შეწყვიტონ

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული