ჩინეთი "მტკიცედ დაიცავს და ხელს შეუშლის" გარე ძალების ჩარევას ჰონგ-კონგის საქმეებში, - ამის შესახებ ქვეყნის პრემიერ-მინისტრმა ლი კეციანმა ჩინეთის პარლამენტის ყოველწლიური სესიის გახსნისას განაცხადა.
მისივე თქმით, ჩინეთი გააუმჯობესებს შესაბამის მექანიზმებსა და სისტემებს, რომლებიც უკავშირდება კონსტიტუციისა და ჰონგ-კონგის მთავარი კანონის განხორციელებას.
„ჩვენ მტკიცედ დავიცავთ და ხელს შევუშლით გარე ძალების ჰონგ-კონგისა და მაკაოს საქმეებში ჩარევას. ჩვენ მხარს დავუჭერთ ორივე რეგიონს, რათა შევინარჩუნოთ მათი გრძელვადიანი კეთილდღეობა და სტაბილურობა, რამდენადაც ეს რეგიონები ავითარებენ ეკონომიკას და აუმჯობესებენ ხალხის ცხოვრებას“, - განაცხადა ჩინეთის პრემიერ-მინისტრმა.