აშშ-ში, ბოლო 24 საათის განმავლობაში, კორონავირუსის 65 447 ახალი შემთხვევა გამოვლინდა და 1 775 ადამიანი გარდაიცვალა, - ამის შესახებ ინფორმაციას CNN-ი ჯონს ჰოპკინსის უნივერსიტეტზე დაყრდნობით ავრცელებს.
მათივე ინფორმაციით, პანდემიის გავრცელების დროიდან ქვეყანაში კოვიდ 19-ით, საერთო ჯამში, 28 825 427 ადამიანი დაინფიცირდა, აქედან ვირუსს 520 228 პაციენტის სიცოცხლე ემსხვერპლა.
ამასთან, შეერთებულ შტატებში დღემდე კორონავირუსის ახალი ვარიანტებით ინფიცირების 2 753 შემთხვევაა დადასტურებული.
აშშ-ის დაავადებათა კონტროლისა და პრევენციის ცენტრის ინფორმაციით, ქვეყანაში დღემდე 110 მილიონ დოზამდე ვაქცინაა განაწილებული, აქედან მოქალაქეების ვაქცინაციისთვის 82.5 მილიონ დოზაზე მეტია გამოყენებული.