გერმანიაში ბოლო დღე-ღამის განმავლობაში კორონავირუსის 8 103 ახალი შემთხვევა გამოვლინდა, 96 ადამიანი კი გარდაიცვალა. ამ ინფორმაციას რობერტ კოხის ინსტიტუტი ავრცელებს.
პანდემიის დაწყებიდან დღემდე, გერმანიაში კორონავირუსის 2 500 182 შემთხვევა გამოვლინდა, ხოლო 71,900 ადამიანი გარდაიცვალა.
გერმანიის კანცლერ ანგელა მერკელსა და 16 ფედერალური რეგიონის ლიდერების მოლაპარაკებების შედეგად საყოველთაო კარანტინი 28 მარტამდე გახანგრძლივდა. შეზღუდვების ნაწილის მოხსნის შედეგად სკოლების უმეტესობაში თებერვლის ბოლოს სწავლა საკლასო ოთახებში აღდგა. გასული წლის 2 ნოემბრის შემდეგ კი ქვეყანაში, დახურულია რესტორნები, ბარები, სპორტული და გასართობი ობიექტები, 16 დეკემბრიდან კი - მაღაზიების უმრავლესობა.