ათენში პოლიციის მიერ ჩადენილი ძალადობის წინააღმდეგ გამართულ საპროტესტო აქციაზე სამართალდამცავებმა ცრემლსადენი გაზი გამოიყენეს

ათენში გამართული აქციის დასაშლელად, სადაც მოქალაქეები პოლიციის მიერ ჩადენილ ძალადობას აპროტესტებდნენ, სამართალდამცავებმა ცრემლსადენი გაზი გამოიყენეს.

მედიის ინფორმაციით, ნეა სმირნის მოედანზე, ათენის გარეუბანში, დაახლოებით 500 ადამიანი მას შემდეგ შეიკრიბა, რაც გავრცელდა ამავე ადგილზე გადაღებული ვიდეო, სადაც ასახულია, როგორ სცემს პოლიციელი ხელკეტით მამაკაცს კორონავირუსის გამო დაწესებული „ლოქდაუნის“ წესების დარღვევისთვის.

ოპოზიციამ აღნიშნული ფაქტი პოლიციის სისასტიკის არაპროვოცირებულ ქმედებად შეაფასა.

„ქვეყანას ჰყავს მთავრობა, რომელმაც მთლიანად დაკარგა კონტროლი პანდემიაზე და ერთადერთი, რაც იცის, როგორ გააკეთოს გეგმის თანახმად, ეს არის მძიმე ხელის გამოყენება“, - განაცხადა საბერძნეთის ყოფილმა პრემიერ-მინისტრმა მემარცხენე პარტია „სირიზას“ ლიდერმა ალექსის ციპრასმა.

იხილეთ ვიდეო:ათენში პოლიციის მიერ ჩადენილი ძალადობის წინააღმდეგ გამართულ საპროტესტო აქციაზე სამართალდამცავებმა ცრემლსადენი გაზი გამოიყენეს

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს