იტალიაში კოვიდ 19-ით დაღუპულთა რაოდენობამ 100 000-ს გადააჭარბა, ექსპერტები შეზღუდვების გამკაცრების აუცილებლობაზე საუბრობენ

იტალიაში, გასული დღე-ღამის განმავლობაში, კორონავირუსს კიდევ 318 ადამიანის სიცოცხლე ემსხვერპლა და დაღუპულთა საერთო რაოდენობამ 100 103-ს მიაღწია, - ამის შესახებ ინფორმაციას „ევრონიუსი“ ავრცელებს.

გამოცემის ცნობით, იტალია მეორე ევროპული ქვეყანა გახდა გაერთიანებული სამეფოს შემდეგ, სადაც კორონავირუსით დაღუპულთა საერთო რაოდენობამ 100 000-ს გადააჭარბა.

ერთი წლის წინ იტალია პირველი ქვეყანა გახდა ევროპაში, რომელმაც კორონავირუსთან დაკავშირებული „ლოქდაუნი“ დააწესა.

აღსანიშნავია, რომ ინფექციის გავრცელების კუთხით რამდენიმეთვიანი სტაბილურობის შემდეგ, ბოლო დღეების განმავლობაში ახალი შემთხვევების რაოდენობა მატულობს და ექსპერტები ვარაუდობენ, რომ ქვეყანამ, 2 კვირაში, შესაძლოა, ახალ პიკს მიაღწიოს და ინფიცირებულების ყოველდღიური რაოდენობა 40 000-მდე გაიზარდოს, თუკი შეზღუდვები არ გამკაცრდება.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული