პოლონეთში, ბოლო 24 საათის განმავლობაში, კორონავირუსის 17 260 ახალი შემთხვევა გამოვლინდა, რაც ყველაზე მაღალი დღიური რაოდენობაა ნოემბრის შემდეგ, - ამის შესახებ ინფორმაციას Reuters-ი ქვეყნის ჯანდაცვის სამინისტროზე დაყრდნობით ავრცელებს.
უწყების ცნობით, ქვეყანაში, რომელიც კორონავირუსის პანდემიის მესამე ტალღას ებრძვის, საერთო ჯამში კორონავირუსის 1.8 მილიონზე მეტი შემთხვევაა გამოვლენილი.
რაც შეეხება დაღუპულთა რაოდენობას, პოლონეთში, პანდემიის დაწყების დროიდან, კოვიდ 19-ს 45 997 ადამიანის სიცოცხლე ემსხვერპლა.