ანზორ ბიწაძე - რაგბი ჩვენი კი არა, ივანიშვილის თამაშია

"რაგბი ჩვენი კი არა, ივანიშვილის თამაშია",- ასე შეაფასა „ერთიანი საქართველოს" ერთ-ერთმა ლიდერმა, ანზორ ბიწაძემ რაგბის კავშირთან მომხდარი დაპირისპირება.

მისი თქმით, რაგბი ხალხს სოციალურად აერთიანებდა და ახარებდა, რაც დღეს ასე აღარ არის.

“რაგბი ლამის ერთადერთი იყო, რაც ჩვენ ხალხს სოციალურად აერთიანებდა და ახარებდა. „რაგბი ჩვენი თამაშია” - ჩვენი საყვარელი ფრაზა იყო და ჰეშთეგი #რაგბიჩვენითამაშია ყველაზე პოპულარული. არა მეგობრებო, ხომ ხედავთ, რაგბი ჩვენი თამაში არ არის, რაგბი ივანიშვილის თამაშია, ისევე როგორც ყველა სხვა თამაში, სპორტულიც და არასპორტულიც და ასე იქნება ყველაფერი ჩვენს ქვეყანაში, მანამ სანამ ყველანი ერთად, ყველა უმსგავსობას, რაც გვჭირს პროტესტით და ქუჩაში გამოსვლით არ ვუპასუხებთ", - აცხადებს ბიწაძე.

ცნობისთვის, „ექსპო ჯორჯიაში", სადაც რაგბის კავშირის პრეზიდენტის არჩევნები მიმდინარეობს, დაძაბული ვითარება იყო. ირაკლი აბუსერიძის მხარდამჭერები პოლიციის კორდონის გარღვევას შეეცადნენ. შეხლა-შემოხლის შედეგად რამდენიმე ადამიანი დაშავდა. დაპირისპირების მიზეზი რაგბის პრეზიდენტობის კანდიდატის სოსო ტყემალაძის მისვლა გახდა. ადგილზე შეკრებილები ტყემალაძესთან მიახლოებას ცდილობდნენ, რისი საშუალებაც სამართალდამცველებმა არ მისცეს.

ცნობისთვის, დღეს, „ექსპო ჯორჯიაში" რაგბის კავშირის პრეზიდენტის არჩევნები იმართება. როგორც ცნობილია, პრეზიდენტობის ერთადერთი კანდიდატია სოსო ტყემალაძე.

გასული წლის 30 დეკემბერს ჩატარებულ არჩევნებში ირაკლი აბუსერიძემ გაიმარჯვა, მაგრამ საჯარო რეესტრმა პრეზიდენტად არ დაარეგისტრირა.

ირაკლი აბუსერიძის მხარდამჭერები არჩევნებს არალეგიტიმურად აფასებენ და მიიჩნევენ, რომ პრეზიდენტი უკვე არჩეულია და ის ირაკლი აბუსერიძეა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს