მაია ბითაძე საქართველოში ჩეხეთის ელჩს შეხვდა

პარლამენტის გარემოს დაცვისა და ბუნებრივი რესურსების კომიტეტის თავმჯდომარე, მაია ბითაძე საქართველოში ჩეხეთის ელჩს, პეტრ მიკისკას შეხვდა. აღნიშნულის შესახებ „ინტერპრესნიუსს“ საქართველოს პარლამენტიდან აცნობეს.

როგორც მათ ინფორმაციაშია აღნიშნული, შეხვედრაზე თანამშრომლობის შემდგომ პერსპექტივებზე ისაუბრეს და განიხილეს გარემოს დაცვის სფეროში საპარლამენტო თანამშრომლობის სამომავლო მიმართულებები.

„ელჩს გავაცანით ჩვენი კომიტეტის პრიორიტეტები, როგორიცაა ეკონომიკის მწვანე განვითარება და გარემოს დაცვითი საკითხების აქტუალიზაცია დიდ ქალაქებში. დავსახეთ თანამშრომლობის მიმართულებები, განსაკუთრებით ინდუსტრიული ავარიების პრევენციისა და ქიმიური ნივთიერებების მათვის კუთხით. ასევე, განვიხილეთ პოტენციური თანამშრომლობის სხვა მიმართულებები, განსაკუთრებით ურბანული გამწვანებისა და ფიტოსანიტარიის საკითხებთან დაკავშირებით", - განაცხადა მაია ბითაძემ შეხვედრის დასრულების შემდეგ.

ელჩმა, პეტრ მიკისკამ აქტიური თანამშრომლობისთვის მზადყოფნა გამოხატა და მასპინძლებს აღუთქვა, რომ იზრუნებს უახლოეს მომავალში უფრო აქტიური კავშირები დამყარდეს ჩეხეთის პარლამენტის შესაბამის კომიტეტთან.

შეხვედრაში ასევე მონაწილეობდნენ ჩეხეთის ელჩის მოადგილე იანა გაშპარიკოვა და გარემოს დაცვისა და ბუნებრივი რესურსების კომიტეტის თავმჯდომარის პირველი მოადგილე ხატია წილოსანი.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს