აშშ-ის წარმომადგენელთა პალატამ კორონავირუსთან დაკავშირებული 1.9 ტრილიონიანი ეკონომიკური დახმარების პაკეტი დაამტკიცა

აშშ-ის წარმომადგენელთა პალატამ პრეზიდენტ ჯო ბაიდენის მიერ ინიცირებულ 1.9 ტრილიონი აშშ დოლარის მოცულობის ეკონომიკური სტიმულირების გეგმას მხარი დაუჭირა, - ამის შესახებ ინფორმაციას Reuters-ი ავრცელებს.

სააგენტოს ცნობით, წარმომადგენელთა პალატამ დახმარების პაკეტი 220 ხმით 211-ის წინააღმდეგ დაამტკიცა. აღსანიშნავია, რომ კანონპროექტის სასარგებლოდ ხმა არც ერთ „რესპუბლიკელს“ არ მიუცია.

”დახმარება აქ არის”, - დაწერა ბაიდენმა „ტვიტერში“ კენჭისყრის შემდეგ. თეთრ სახლში აცხადებენ, რომ პრეზიდენტი კანონპროექტს პარასკევს მოაწერს ხელს.

კორონავირუსის პანდემიით დაზარალებული ეკონომიკის სტიმულირების პაკეტი მოიცავს 1400 აშშ დოლარის ოდენობის პირდაპირ ფულად დახმარებას ამერიკელებისთვის, დაფინანსებას შტატებისა და ადგილობრივი მთავრობებისთვის, მცირე ბიზნესებისთვის, ასევე დაფინანსების გაზრდას ვაქცინაციის პროგრამის გაფართოებისთვის.

„დემოკრატები“ კანონმდებლობას პანდემიის მიმართ რეაგირების კუთხით გადადგმულ კრიტიკულად მნიშვნელოვან ნაბიჯად აფასებენ, თუმცა ბიუჯეტიდან 1.9 ტრილიონი დოლარის გამოყოფას არ ეთანხმებიან "რესპუბლიკელები". მათი თქმით, პანდემიით დაზარალებულ ქვეყანას ამ ოდენობის ხარჯები კიდევ უფრო დიდ ტვირთად დააწვება.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს