ნათია თურნავა - IRI-ის საბოლოო ანგარიში ცალსახა დასტურია, რომ ეს იყო საუკეთესო არჩევნები ბოლო წლების განმავლობაში

IRI-ის საბოლოო ანგარიში არის ცალსახა დასტური, რომ არჩევნები საუკეთესო სტანდარტებით ჩატარდა და ეს იყო საუკეთესო არჩევნები ბოლო წლების განმავლობაში“, - ასე აფასებს ეკონომიკის მინისტრი ნათია თურნავა IRI-ის ტექნიკურ საარჩევნო შეფასების მისიის საბოლოო ანგარიშს.

მისი თქმით, მიუხედავად პანდემიისა არჩევნები დემოკრატიულ და თავისუფალ გარემოში ჩატარდა.

„IRI-ის კვლევებთან დაკავშირებით მინდა ვთქვა, რომ ეს საბოლოო ანგარიში არის ცალსახა დასტური, რომ არჩევნები საუკეთესო სტანდარტებით ჩატარდა და ეს იყო საუკეთესო არჩევნები ბოლო წლების განმავლობაში. მიუხედავად პანდემიისა, ეს იყო დემოკრატიული და თავისუფალი მაღალ დონეზე ჩატარებული არჩევნები. ასევე, ითქვა, რომ ის რეფორმები, რაც წინ უძღოდა არჩევნებს უზრუნველყოფდა აბსოლუტურ დემოკრატიულ გარემოს და მაღალ შეფასებას იმსახურებს. ეს არის საბოლოო პასუხი იმ დესტრუქციულ ოპოზიციას, ვინც კითხვის ნიშნების გაღვივებას ცდილობდა საზოგადოებაში ამ არჩევნებთან დაკავშირებით“ , - განაცხადა თურნავამ.

შეგახსენებთ, “საერთაშორისო რესპუბლიკური ინსტიტუტი“ ტექნიკური საარჩევნო შეფასების მისიის საბოლოო ანგარიშს აქვეყნებს, რომელიც გაზრდილ საარჩევნო აქტივობას და რეფორმების გაგრძელების აუცილებლობას ასახავს. როგორც IRI-ს ევრაზიის დივიზიის დირექტორი სტივენ ნიქსი აღნიშნავს, "გასული წლის ოქტომბერში, საქართველოს მოქალაქეებმა კენჭისყრაში მონაწილეობა პირველად მას შემდეგ მიიღეს, რაც ქვეყანამ არჩევნების გამჭირვალეობისა და კონკურენტუნარიანობისთვის აუცილებელი რეფორმები გაატარა"

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს