პაატა იმნაძე - ეს ვაქცინები ყველა დაავადებას არ კურნავს, ეს კორონასგან იცავს

პირველივე შესაძლებლობისთანავე ავიცრები, - ამის შესახებ დაავადებათა კონტროლის ეროვნული ცენტრის დირექტორის მოადგილემ პაატა იმნაძემ განაცხადა. როგორც ის განმარტავს, ჩამოსული ვაქცინები დღეს და ხვალ რეგიონებში გადანაწილდება.

„იმედია, ჩემი კოლეგები კარგად ათვიცნობიერებენ, რა რისკი აქვთ. მე პირადად, რაც პანდემია დაიწყო, ყოველდღიური ურთიერთობა მაქვს და დღეში ალბათ, ორ პაციენტს ვნახულობ, დღემდე თავი ისე მოვიტანე, რომ ინფიცირებული არ ვარ, აქედან გამომდინარე, პირველივე შესაძლებლობისთანავე ავიცრები, დავრეგისტრირდები და ავიცრები. ახლა მანქანები იტვირთება, რეგიონებში მიდის და დღეს, ხვალ, საქართველოს ყველა რეგიონალურ ცენტრში ვაქცინა ჩატანილი იქნება“, - განაცხადა იმნაძემ.

მისივე თქმით, ერთადერთი გამონაკლისი არის დიდი ბრიტანეთი, საიდანაც ჩამოსული მგზავრები, ან ბოლო 2 კვირის განმავლობაში იქ ნამყოფი პირები საქართველოში კარანტინს დაექვემდებარებიან. ამას გარდა, იმნაძის თქმით, ლუგარის ცენტრი გამოყოფილ შტამებს შესწავლის და კვლევები ყოველდღიურ რეჟიმში გრძელდება. იმნაძე ასევე აღნიშნავს იმასაც, რომ საქართველოში ელექტორნულ სისტემაში მოხდება ვაქცინის შემდგომი მოვლენების აღრიცხვა.

„სტატისტიკურად ტრომბოემბეოლიების რაოდენობა იმ პოპულაციაში არაფერით განსხვავდება არავაქცინირებულ პოპულაციაში ტრომბოემბოლიების სიხშირისაგან, ამაზე დასკვნა გამოაქვეყნა როგორც ევროპის წამლის სააგნეტომ, ასევე ჯანმრთელობის მსოფლიო ორგანიზაციამ. ვაქცინაცია არ შეუჩერებია ძალიან ბევრ ევროპულ ქვეყანას, რომელიც „ასტრაზენეკას“ იყენებს, ასეთი რაღაცები მოხდება - ვიღაც რაღაცას დაუკავშირებს. გახსოვთ ალბათ, რა ამბავი იყო ატეხილი, როცა „ფაიზერის“ ვაქცინის შემდეგ 20-ზე მეტი ადამიანი გარდაიცვალა ნორვეგიაში, ასეთი რაღაცები იქნება, რა თქმა უნდა, სიფრთხილის გამო, ვიღაცამ შეიძლება შეაჩეროს, მაგრამ ფაქტი ერთია, უკვე გამოყენებულია ათეულ-მილიონობით დოზა, რომელზეც არაფერია აღწერილი, რაც გამოარჩევდა ამის რისკებს. ერთი რამ კარგად დავიმახსოვროთ, ეს ვაქცინები ყველა დაავადებას არ კურნავს და არ იცავს ყველა დაავადებისგან, ეს კორონასგან იცავს, სხვა დაავადებებისგან ხომ არ იცავს? კიდევ ერთხელ ვამბობ, ეს დასკვნა ყველაზე ავტორიტეტულმა ორგანიზაციამ - ევროპის წამლის სააგენტომ, ჯანმრთელობის მსოფლიო ორგანიზაციამ გამოაქვეყნა, სადაც შავით თეთრზე წერია, რომ ვაქცინა კორონას საწინააღმდეგო სხვა დაავადებებისგან არ იცავს, ამიტომ რაღაც დაავადება თუ ჰქონდა ადამიანს, ვაქცინის შემდეგ, თუ რაღაც უიშვიათესად მოხდა, ეს ვაქცინის გამო მოხდას არ ნიშნავს“, - განაცხადა იმნაძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო