გერმანიაში, ბოლო 24 საათის განმავლობაში კორონავირუსის 12 674 ახალი შემთხვევა გამოვლინდა, რაც წინა დღესთან შედარებით 3 117-ით მეტია, - შესაბამის მონაცემებს რობერტ კოხის ინსტიტუტი ავრცელებს.
ამასთან, Deutsche Welle-ს ინფორმაციით, გერმანიაში კორონავირუსით დაინფიცირების კოეფიციენტი ბოლო 7 დღის განმავლობაში გაიზარდა.
გამოცემის ცნობით, ინფიცირების შემთხვევები ყოველ 100 000 მოსახლეზე 76.1-ს შეადგენს, რაც გასული კვირის მაჩვენებელს მნიშვნელოვნად აღემატება, როდესაც ყოველ 100 000 მოსახლეზე ინფიცირების 65.6 შემთხვევა დაფიქსირდა. გერმანიის რეგიონების ხელმძღვანელები აცხადებენ, რომ თუკი შემთხვევების რაოდენობა 100-ს გადააჭარბებს, გასულ კვირაში მოხსნილი შეზღუდვები ხელახლა დაწესდება.