კორონავირუსის შემთხვევების რაოდენობით ბრაზილიამ ინდოეთს გადაუსწრო და მე-2 ადგილზე გადაინაცვლა, შესაბამისი ინფორმაცია პლატფორმა Worldometers-ზეა განთავსებული.

სტატისტიკის მიხედვით, ამ დროისთვის ბრაზილიაში კორონავირუსის 11.43 მილიონი შემთხვევა ფიქსირდება, ინდოეთში კი 11.35 მილიონი.

აღსანიშნავია, რომ ბოლო 1 კვირის განმავლობაში ბრაზილიაში კორონავირუსის შემთხვევები რეკორდულად გაიზარდა. რიო-დე-ჟანეიროში დაფუძნებულმა კვლევითმა ინსტიტუტმა Fiocruz- მა გასულ კვირას მოხსენება გამოაქვეყნა, სადაც აღნიშნულია, რომ ბრაზილიის 27 შტატიდან 25-ში რეანიმაციულ განყოფილებებში საწოლების 80% -ზე მეტი დაკავებულია, ბრაზილიის 15 უდიდეს ქალაქში კი საწოლების 90%-ია დაკავებული. რაც შეეხება ვირუსით გარდაცვლილებს, ბრაზილიაში ვირუსს 277 000 ადამიანი ემსხვერპლა, ინდოეთში კი 158 000.

იხილეთ ვიდეო:კორონავირუსის შემთხვევების რაოდენობით ბრაზილიამ ინდოეთს გადაუსწრო და მე-2 ადგილზე გადაინაცვლა