მიანმარში საპროტესტო აქციის დროს მომხდარ დაპირისპირებას 12 ადამიანი ემსხვერპლა.
BBC-ის ინფორმაციით, 5 ადამიანი ქალაქ მანდალაში დაიღუპა, 5 იანგონში, დანარჩენები ქვეყნის სხვადასხვა ქალაქში გამართულ აქციებში. ასევე, ვრცელდება ინფორმაცია ათობით დაშავებულის შესახებ.
საერთო ჯამში, თებერვლის დასაწყისიდან დღემდე, მიანმარში აქციების დროს პოლიციიის მხრიდან ძალის გამოყენებას სულ მცირე 70 ადამიანი ემსხვერპლა.
მიანმარში საპროტესტო აქციები თებერვლის დასაწყისში მომხდარი სამხედრო გადატრიალების შემდეგ არ წყდება. არმიამ, რომელიც გასული წლის ნოემბერში ჩატარებული არჩევნების შედეგებს არ აღიარებს, ქვეყნის არჩეული ლიდერი აუ სან სუ ჩი დააკავა და ერთწლიანი საგანგებო მდგომარეობა გამოაცხადა.