„ბილაინს“ ახალი გენერალური დირექტორი ჰყავს

„ბილაინს“ ახალი გენერალური დირექტორი ჰყავს. აღნიშნულის შესახებ „ინტერპრესნიუსს“ „ბილაინიდან“ აცნობეს. როგორც მათ ინფორმაციაშია აღნიშნული, ახალი დირექტორი - ლაშა ტაბიძე მრავალწლიანი გამოცდილების მქონე ბიზნესის აღმასრულებელია და მან ბოლო 10 წელი ტელეკომუნიკაციების სექტორში გაატარა.

„საერთაშორისო ჯგუფ „ვიონი“-ს წევრმა, „ბილაინმა“ ახალი გენერალური დირექტორის დანიშვნის შესახებ განაცხადა. კომპანიას დღეიდან ლაშა ტაბიძე უხელმძღვანელებს. ლაშა მრავალწლიანი გამოცდილების მქონე ბიზნესის აღმასრულებელია, მათ შორის ბოლო 10 წელი მან ტელეკომუნიკაციების სექტორში გაატარა. გენერალურ დირექტორად დანიშვნამდე, ლაშას ბილაინში ეკავა ბიზნესოპერაციების დირექტორისა და კომერციული დირექტორის პოზიციები. ანჯეი მალინოვსკი, რომელიც „ბილაინს“ თითქმის, 4 წლის განმავლობაში ხელმძღვანელობდა „ვიონი“ ჯგუფში შემავალი კომპანიის, „ბილაინი“ უზბეკეთის გენერალურ დირექტორად დაინიშნა.

ლაშას მოღვაწეობა „ბილაინში“ 2011 წელს დაიწყო, როდესაც ის კომპანიას კომერციული დირექტორის რანგში შეუერთდა, ხოლო 2018 წელს ბიზნესოპერაციების დირექტორის პოზიციაზე დაწინაურდა. „ბილაინში“ გადმოსვლამდე, ლაშა მუშაობდა „სს სარაჯიშვილში“ კომერციული დირექტორის პოზიციაზე, ხოლო მანამდე წამყვან პოსტებზე, მათ შორის ბიზნესის განვითარების დირექტორის რანგში, არაერთ კომპანიაში“, - ნათქვამია „ბილაინის“ მიერ გავრცელებულ ინფორმაციაში.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს