თურქეთი მიზნად ისახავს, 2021 წლის ბოლოსთვის საკუთარი ვაქცინა ჰქონდეს, - ადგილობრივი მედიის ინფორმაციით, ამის შესახებ თურქეთის ინდუსტრიისა და ტექნოლოგიის მინისტრმა მუსტაფა ვარანკმა განაცხადა.

მისივე თქმით, თურქეთი საკუთარი ვაქცინის ადამიანებზე გამოკვლევას ქვეყნის მედიკამენტებისა და სამედიცინო მოწყობილობების სააგენტოს მიერ ნებართვის გაცემისთანავე დაიწყებს.

მუსტაფა ვარანკმა აღნიშნა, რომ მსოფლიოში „ვაქცინების ომი“ მიმდინარეობს და ღარიბი ქვეყნები ვაქცინებს ვერ ღებულობენ.

„ამიტომ, ვიცით, რომ ჩვენს მიერ შექმნილი ვაქცინა პანდემიის წინააღმდეგ ბრძოლაში მნიშვნელოვანი წარმატება იქნება,“- აღნიშნა მინისტრმა.