ბრიუსელში საქართველო - ევროკავშირის ასოცირების საბჭოს სხდომა მიმდინარეობს

ბრიუსელში, საქართველო-ევროკავშირის ასოცირების საბჭოს მე-6 სხდომა მიმდინარეობს, რომელსაც საქართველოს პრემიერ-მინისტრი ირაკლი ღარიბაშვილი ესწრება.

საქართველო-ევროკავშირის ასოცირების საბჭოს სხდომაზე მონაწილეები განიხილავენ საქართველო-ევროკავშირის ურთიერთობებს, მათ შორის პოლიტიკურ დიალოგთან, მართლმსაჯულებასთან, თავისუფლებასთან და უსაფრთხოებასთან დაკავშირებულ საკითხებს. ისინი ასევე განიხილავენ ეკონომიკურ და სექტორულ თანამშრომლობას, ვაჭრობასთან დაკავშირებულ საკითხებს, ასევე საგარეო და უსაფრთხოების პოლიტიკასა და კონფლიქტების მშვიდობიანად მოგვარებას.

საქართველო-ევროკავშირის ასოცირების საბჭოს სხდომის შემდეგ (ბრიუსელის დროით 14:00 საათზე) გაიმართება პრემიერ-მინისტრ ირაკლი ღარიბაშვილის, საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის ჟოზეფ ბორელის და ევროპული სამეზობლო პოლიტიკისა და გაფართოების საკითხებში ევროკომისარ ოლივერ ვარჰეის ერთობლივი პრესკონფერენცია.

გარდა ამისა, 17 მარტს მაღალი დონის შეხვედრები შედგება ევროპარლამენტსა და ნატოში. საქართველოს მთავრობის მეთაურს ნატოს შტაბბინაში ალიანსის გენერალური მდივანი იენს სტოლტენბერგი უმასპინძლებს.

შეხვედრის შემდეგ, ირაკლი ღარიბაშვილის და იენს სტოლტენბერგის ერთობლივი პრესკონფერენცია გაიმართება. ასევე, დაგეგმილია ნატო-საქართველოს კომისიის სხდომა.

სამთავრობო დელეგაცია, მთავრობის მეთაურის ხელმძღვანელობით, ბრიუსელში გუშინ გაემგზავრა. ვიზიტის ფარგლებში ღარიბაშვილმა უკვე გამართა რამდენიმე შეხვედრა, მათ შორის შედგა აუდიენცია ევროპული საბჭოს პრეზიდენტ შარლ მიშელთან. საქართველოს დელეგაციაში, რომელსაც პრემიერ-მინისტრი ირაკლი ღარიბაშვილი ხელმძღვანელობს, ვიცე-პრემიერი, საგარეო საქმეთა მინისტრი დავით ზალკალიანი, ეკონომიკისა და მდგრადი განვითარების მინისტრი ნათია თურნავა და იუსტიციის მინისტრი გოჩა ლორთქიფანიძე იმყოფებიან.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს