ევროპის წამლის სააგენტო აცხადებს, რომ არ არსებობს არავითარი ნიშნები იმისა, რომ „ასტრაზენეკას“ ვაქცინა თრომბის წარმოქმნას უწყობს ხელს.
სააგენტო ვაქცინის შეფასებას აწარმოებს თითოეულ შემთხვევასთან დაკავშირებით და მოსალოდნელია, რომ განხილვას 18 მარტს დაასრულებს. ამის შესახებ სააგენტოს დირექტორმა ემერ ქუქმა განაცხადა.
მისი თქმით, მტკიცედ სჯერათ, რომ ვაქცინის უპირატესობა აღემატება გვერდითი ეფექტების რისკს.
„მინდა ხაზგასმით აღვნიშნო, რომ ამ დროისთვის არავითარი ნიშანი არ არსებობს იმისა, რომ ვაქცინაციამ გამოიწვია თრომბების წარმოქმნა. ისინი არ გამოვლენილა ვაქცინის კლინიკური გამოცდის დროს და ისინი არ არის შეტანილი ცნობილი, ან მოსალოდნელი გვერდითი ეფექტების გამოვლინებათა ნუსხაში“, - განაცხადა ქუქმა.
მისი თქმით, კლინიკური კვლევების დროს როგორც ვაქცინირებულმა, ასევე იმ ადამიანებმა, ვინც პლაცებო მიიღო, თრომბების განვითარების ძალიან დაბალი განვითარება აჩვენა.