კანადის იმუნიზაციის მრჩეველთა ეროვნულ კომიტეტში აცხადებენ, რომ AstraZeneca-ს ვაქცინის 65 წლისა და მეტი ასაკის მოქალაქეების ასაცრელად გამოყენებას მხარს უჭერენ.

მათი განმარტებით, გაერთიანებულ სამეფოში ვაქცინის რეალურ ცხოვრებაში გამოყენებამ აჩვენა, რომ მისი ხანდაზმულებში გამოყენება უსაფრთხო და ეფექტურია.

კანადის იმუნიზაციის მრჩეველთა ეროვნულმა კომიტეტმა 1 მარტს განაცხადა, რომ AstraZeneca-ს ვაქცინით მხოლოდ 18-დან 64 წლამდე ასაკის მოქალაქეები უნდა აცრილიყვნენ, ვინაიდან 65 წლისა და ზემოთ ასაკის პირებში მისი გამოყენების შესახებ არასაკმარისი მონაცემები არსებობდა.

შეგახსენებთ, კანადას, რამდენიმე ქვეყნისგან განსხვავებით, AstraZeneca-ს ვაქცინით მოსახლეობის ვაქცინაცია არ შეუწყვეტია.