რუსეთის უშიშროების ფედერალურმა სამსახურმა (ეფესბემ) ადიღეში „ისლამური სახელმწიფოს“ მომხრე დააკავა, რომელიც ტერაქტს ამზადებდა, - ამის შესახებ ინფორმაციას რუსული მედია ავრცელებს.
მათივე ინფორმაციით, დაკავებულმა, რომელიც წარმოშობით ცენტრალური აზიიდანაა, აღიარა, რომ სავაჭრო ცენტრში აფეთქების მოწყობას აპირებდა.
„ეფ-ეს-ბეს“ ცნობით, მამაკაცის სახლში ხელნაკეთი ბომბის კომპონენტები და „ისლამური სახელმწიფოს“ დროშა აღმოაჩინეს. ამასთან, დაკავებულის გაჯეტებში სპეციალისტებმა „ტერორისტული კონტენტის მნიშვნელოვანი რაოდენობა, მათ შორის სხვადასხვა ინსტრუქციები, აღმოაჩინეს“.
სისხლის სამართლის საქმე ტერაქტისთვის მზადების ფაქტზე აღიძრა.