დავით სერგეენკო - თუ აღმოჩნდება, რომ მოტივაციისთვის ჩემი აცრა მნიშვნელოვანი იქნება, თუ გნებავთ, აქვე, ტრიბუნასთან გავიკეთებ აცრას

თუ აღმოჩნდება, რომ მოტივაციისთვის ჩემი აცრა მნიშვნელოვანი იქნება, თუ გნებავთ, აქვე, ტრიბუნასთან გავიკეთებ აცრას,- ამის შესახებ საპარლამენტო უმრავლესობის წევრმა დავით სერგეენკომ ჟურნალისტებთან განაცხადა.

მისი თქმით, პროტოკოლი მოქმედი სამედიცინო პერსონალის ვაქცინაციას ითვალისწინებს, თუმცა, პროცესში პოლიტიკური ფიგურების ჩართვა კამპანიური აქტივობისთვის მნიშვნელოვანი იქნება.

"პირველ დღეებში, რამდენიმე პოლიტიკურმა ფიგურამ აცრისგან თავი შეიკავა, რადგან ნაკადი ენახა - თუ მოთხოვნა იქნებოდა იმ ადამიანებისგან, ვისაც პირველ რიგში ეკუთვნოდა, მათ დაუთმობდა რიგს. რაღაც მხრივ, პოლიტიკურ ფიგურად ვითვლები, არა მაღალი რანგის, მაგრამ ვუყურებ, ჩემი რიგი ჯერ არ არის და თუ აღმოჩნდება, რომ ნაკადი დაბალი იქნება და მოტივაციისთვის ჩემი აცრა მნიშვნელოვანი იქნება, თუ გნებავთ, აქვე, ტრიბუნასთან გავიკეთებ აცრას,"- განაცხადა სერგეენკომ.

ამასთან, სერგეენკო არ ეთანხმება, რომ სამედიცინო პერსონალშიც აცრის მოტივაცია დაბალია.

"მოხდა სორტირება მაღალი რისკის სპეციალობის მიხედვით. თუ შაბათის მონაცემებით, 1500 ადამიანი იყო დარეგისტრირებული, გუშინდელის მდგომარეობით 5 ათასი იყო დარეგისტრირებული. ის, რომ სამედიცინო პერსონალშიც კი დაბალი მოტივაცია არის, ნამდვილად არ არის ასე. 50 ქვეყანა "ასტრაზენეკათი" აგრძელებდა ვაქცინაციას, მხოლოდ 8 ქვეყანამ შეაჩერა დროებით, სანამ გაირკვეოდა თრომბოემბოლიური გართულებების ერთეული შემთხვევები კავშირში იყო ვაქცინაციასთან თუ არა. განცხადება გაკეთდა, რომ ასეთი კავშირი არ დადგინდა და უფრო მეტიც, ეს ვაქცინაციასთან კავშირში არ არის,"- განაცხადა სერგეენკომ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა