„ნაციონალური მოძრაობის“ წევრები რესპუბლიკის მოედნიდან რუსთავის პენიტენციურ დაწესებულებამდე ავტოკოლონებით მსვლელობას მართავენ

„ნაციონალური მოძრაობის“ წევრები რესპუბლიკის მოედნიდან რუსთავის პენიტენციურ დაწესებულებამდე, სადაც პარტიის თავმჯდომარე ნიკა მელია სასჯელს იხდის, ავტოკოლონებით მხარდასაჭერ მსვლელობას - „თავისუფლებისთვის” მართავენ.

რუსთავის ციხესთან მისვლამდე, აქციის წევრები შინაგან საქმეთა სამინისტროსთან გადაინაცვლებენ. მათი ორი მთავარი მოთხოვნა ე.წ. პოლიტპატიმრების გათავისუფლება და ვადამდელი არჩევნების ჩანიშვნაა.

„რაც არ უნდა „ტრიუკები” ჩაგვიტაროს ივანიშვილმა ლობისტების დახმარებით, ამ ბრძოლას ის ვერ შეაჩერებს, მოუწევს უკან დახევა და ხალხის მოთხოვნების გათვალისწინება. ეს მოთხოვნები არის, რომ გათავისუფლდნენ პოლიტიკური პატიმრები და ჩატარდეს ვადამდელი არჩევნები. დღევანდელი მარშრუტით რესპუბლიკის მოედნიდან შსს-სთან გავივლით, სადაც შევახსენებთ, რომ ვარსებობთ ხალხი, რომელიც ამ ქვეყანაში ძალადობრივ რეჟიმს აპროტესტებს.

ბოლო წერტილი იქნება ნიკა მელიას პატიმრობის ადგილი, რუსთავის ციხესთან, სადაც გაიმართება აქცია”, - აღნიშნა ბესო გაზდელიანმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით