გაერთიანებული სამეფოს პრემიერ-მინისტრი ბორის ჯონსონი აცხადებს, რომ ის უახლოეს მომავალში Oxford/AstraZeneca-ს კოვიდსაწინააღმდეგო ვაქცინით აიცრება.
კითხვაზე, უგულებელყვეს თუ არა ევროპის ქვეყნებმა სამეცნიერო მტკიცებულებები, ჯონსონმა უპასუხა: „ყველაზე კარგი, რაც შემიძლია ვთქვა, Oxford/AstraZeneca-ს ვაქცინის პროგრამაზე არის ის, რომ მივიღე ინფორმაცია, ჩემს კუთვნილ ვაქცინას მივიღებ ძალიან, ძალიან მალე და ეს ნამდვილად Oxford / AstraZeneca-ს ვაქცინა იქნება“.
შეგახსენებთ, რამდენიმე ქვეყანამ Oxford / AstraZeneca-ს ვაქცინის გამოყენება შეაჩერა, რის მიზეზადაც ვაქცინირებულებში გვერდითი ეფექტების გამოვლენა, მათ შორის თრომბის წარმოქმნა, დაასახელეს.