თუკი პროქურთული „სახალხო დემოკრატიული პარტიის“ დაშლის შესახებ თურქეთის ხელისუფლების გადაწყვეტილება წარმატებული აღმოჩნდა, ეს კიდევ უფრო მეტად გამოუთხრის თურქეთში ძირს დემოკრატიას,- ამის შესახებ აშშ-ის სახელმწიფო დეპარტამენტის მიერ გავრცელებულ განცხადებაშია აღნიშნული.

თურქეთის პროკურატურამ საკონსტიტუციო სასამართლოს პროქურთული პარტიის დაშლის მოთხოვნით გუშინ მიმართა.

აღსანიშნავია, რომ თურქეთის ხელისუფლება „სახალხო დემოკრატიულ პარტიას“ „ქურთისტანის მუშათა პარტიასთან“ კავშირში ადანაშაულებს. „სახალხო დემოკრატიული პარტია“, რომელსაც თურქეთის 600-წევრიან პარლამენტში 55 ადგილი აქვს, ბოევიკებთან ყველანაირ კავშირს უარყოფს და აცხადებს, რომ პროკურატურა პოლიტიკური დაკვეთებით მოქმედებს.

„ქურთისტანის მუშათა პარტია“ თურქეთისა და მისი დასავლელი მოკავშირეების, მათ შორის აშშ-სა და ევროკავშირის მიერ, ტერორისტულ ორგანიზაციად არის აღიარებული.

იხილეთ ვიდეო:აშშ-ის განცხადებით, პროქურთული პარტიის დახურვის შესახებ თურქეთის გადაწყვეტილება ძირს უთხრის დემოკრატიას