კონსტანტინ კოსაჩოვი - რუსეთის მიერ აშშ-დან ელჩის კონსულტაციებისთვის გამოწვევა უკანასკნელი რეაქცია არ იქნება, თუ ბაიდენის განცხადებებს განმარტება და ბოდიში არ მოჰყვება

აშშ-ის პრეზიდენტის ჯო ბაიდენის უხეში განცხადებები რუსეთის პრეზიდენტ ვლადიმერ პუტინთან დაკავშირებით აუცილებლად უარყოფითად აისახება ორ ქვეყანას შორის ურთიერთობებზე, - ამის შესახებ რუსეთის ფედერაციის საბჭოს თავმჯდომარის მოადგილემ კონსტანტინე კოსაჩოვმა Facebook- ზე განაცხადა.

„ამგვარი განცხადებები მიუღებელია და აუცილებლად გაზრდის დაძაბულობას ჩვენს ქვეყნებს შორის. აშშ-ში რუსეთის ელჩის კონსულტაციებისთვის გამოძახება არის სწრაფი, ადეკვატური და ერთადერთი გონივრული რეაქცია ასეთ ვითარებაში და ვვარაუდობ, რომ არა უკანასკნელი, თუკი ამერიკის მხრიდან განმარტება და ბოდიშის მოხდა არ მოჰყვება,“- აღნიშნა კოსაჩევმა.

შეგახსენებთ, გუშინ აშშ-ის პრეზიდენტმა ჯო ბაიდენმა განაცხადა, რომ რუსეთის პრეზიდენტი ვლადიმერ პუტინი აშშ-ის 2020 წლის საპრეზიდენტო არჩევნებში ჩარევისთვის „საფასურს გადაიხდის“. ბაიდენმა კომენტარი მას შემდეგ გააკეთა, რაც აშშ-ის დაზვერვამ ანგარიში გამოაქვეყნა, სადაც აღნიშნულია, რომ მოსკოვის მიერ აშშ-ის არჩევნებში ჩარევის უკან ვლადიმერ პუტინი დგას. მოსკოვმა ამ ბრალდებას „უსაფუძვლო“ უწოდა. ამასთან, ჟურნალისტის კითხვაზე, მიაჩნია თუ არა, რომ ვლადიმერ პუტინი მკვლელია, ბაიდენმა უპასუხა : „დიახ.“ აღნიშნული განცხადებების საპასუხოდ მოსკოვმა აშშ-ში რუსეთის ელჩი კონსულტაციებისთვის გაიწვია.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს