ბულგარეთში, კორონავირუსის შემთხვევების ზრდის გამო, შეზღუდვები მკაცრდება. მედიის ინფორმაციით, ქვეყანაში 22 მარტიდან, 10 დღის განმავლობაში, სკოლები, რესტორნები და სავაჭრო მოლები დაიხურება.
ბულგარეთში გასული დღის განმავლობაში კორონავირუსის 4 201 ახალი შემთხვევა გამოვლინდა და 136 ადამიანი გარდაიცვალა. ქვეყანაში, რომლის მოსახლეობა დაახლოებით 7 მილიონია, პანდემიის დაწყების დროიდან, საერთო ჯამში, ინფიცირების 291 769 შემთხვევაა გამოვლენილი, აქედან ვირუსს 11 715 ადამიანის სიცოცხლე ემსხვერპლა.