სომხეთში ვადამდელი არჩევნების დანიშვნის შესახებ გადაწყვეტილებას დღეს ან ხვალ გამოაცხადებენ, - მედიის ინფორმაციით, ამის შესახებ სომხეთის გარემოს დაცვის მინისტრმა, პრემიერ-მინისტრის პარტიის „ჩემი ნაბიჯის“ წევრმა რომანოს პეტროსიანმა განაცხადა.
„ვემზადებით ვადამდელი არჩევნებისათვის. ვფიქრობ, დღეს ან ხვალ გამოცხადდება გადაწყვეტილება და თარიღი," - განუცხადა პეტროსიანმა ჟურნალისტებს მთავრობის სხდომის შემდეგ.
მისივე თქმით, ხელისუფლებას მიაჩნია, რომ შიდაპოლიტიკური კრიზისის მოგვარება მხოლოდ ვადამდელი საპარლამენტო არჩევნების გზით არის შესაძლებელი.