ჯანდაცვის მინისტრის, ეკატერინე ტიკარაძის განცხადებით, ვაქცინაციასთან დაკავშირებით საინფორმაციო კამპანია მტკიცებულებაზე დაყრდნობით იმ ინფორმაციების მიწოდებას ემყარება, რომელსაც უწყება პროფესიონალების ხელმძღვანელობით ახორციელებს. როგორც მან ჟურნალისტებს განუცხადა, აღნიშნულ საკითხზე საინფორმაციო კამპანია ეტაპობრივად სხვადასხვა სახეს შეიძენს.
„რაც შეეხება საინფორმაციო კამპანიას, როგორც ხედავთ, ის ძირითადად ემყარება მტკიცებულებაზე დაყრდნობით იმ ინფორმაციების მიწოდებას, რომელსაც ჩვენ ამ ეტაპისთვის ჩვენი პროფესიონალების ხელმძღვანელობით ვახორციელებთ. ასევე, მნიშვნელოვანია დაავადებათა კონტროლის პირდაპირი ჩართვა, სადაც დეტალურად საუბრობენ ვაქცინების რისკებისა და სარგებლის შეფასებასთან დაკავშირებით. გეგმის მიხედვით, საინფორმაციო კამპანია ეტაპობრივად სხვადასხვა სახეს შეიძენს“,-განაცხადა ტიკარაძემ.