გოჩა თევდორაძე - „ქართული ოცნება“ ვერ აღმოჩნდა მზად, რომ ერთი ნაბიჯი მაინც გადაედგა იმ ღრმა პოლიტიკური კრიზისიდან გამოსასვლელად, რომელშიც თავად შეიყვანა ქვეყანა

„პატრიოტთა ალიანსის" წარმომადგენლის, გოჩა თევდორაძის განცხადებით, დღევანდელი მოლაპარაკებების პროცესში „ქართული ოცნების“ მზაობა მხოლოდ მარტივ საკითხებს შეეხებოდა, რაც პოზიტიური ფიქრის საფუძველს აძლევდათ, თუმცა მმართველი გუნდი არცერთი მთავარი საკითხის გადასაწყვეტად არ აღმოჩნდა მზად.

როგორც თევდორაძემ ევროპული საბჭოს პრეზიდენტის პირადი წარმომადგენლის კრისტიან დანიელსონის მედიაციით, ხელისუფლებისა და ოპოზიციის წარმომადგენლებს შორის გამართული შეხვედრის დასრულების შემდეგ განმარტა, ოპოზიცია დღევანდელ მოლაპარაკებებში იყო კონსტრუქციული და „ქართულ ოცნებას“ რამდენიმეჯერ ვადამდელ არჩევნებამდე მისვლის შერბილებული ვარიანტები შესთავაზეს.

„სამწუხაროდ, დღეს „ქართული ოცნება“ ვერ აღმოჩნდა მზად, რომ ერთი ნაბიჯი მაინც გადაედგა იმ ღრმა პოლიტიკური კრიზისიდან გამოსასვლელად, რომელშიც თავად შეიყვანა ქვეყანა. „ქართულმა ოცნებამ“ ვერ გააცნობიერა ჩვენი დასავლელი პარტნიორების ჩართულობაც ამ პროცესში და არ აღმოჩნდა მზად ასეთი მოლაპარაკებებისთვის. დღეს ჩვენ ვიყავით კონსტრუქციულები, გვქონდა სხვადასხვა შეთავაზება ხელისუფლების მიმართ და ვიყავით კონსენსუსითვის მზად, რამდენიმეჯერ შევთავაზეთ უფრო შერბილებული ვარიანტები იმისა, როგორ მივსულიყავით ვადამდელ არჩევნებამდე, თუნდაც გარკვეული დათქმებით. საინტერესოა რა გვაძლევდა 2 დღის განმავლობაში იმის საფუძველს, რომ გვესაუბრა, თითქოს გარკვეული პოზიტივი გვქონდა მოლაპარაკებების დროს. ამის საფუძველს გვაძლევდა, რომ ჩვენ დავიწყეთ საუბარი შედარებით მარტივი საკითხებით, როგორიც იყო საარჩევნო გარემო და თანმდევ პროცესად ითვლებოდა ჩვენთვის ვადამდელი არჩევნების შემდეგ. ამ საკითხებთან დაკავშირებით „ქართული ოცნების“ მზაობა დეკლარირების დონეზე არსებობდა და გვაძლევდა პოზიტიური ფიქრის საფუძველს, მაგრამ დღეს ვნახეთ, რომ „ქართული ოცნება“ არ აღმოჩნდა არცერთი მთავარი საკითხის რაიმე ფორმის გადასაწყვეტად მზად“, - აღნიშნა გოჩა თევდორაძემ.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს