გერმანიის ჯანდაცვის მინისტრი იენს შპანი აცხადებს, რომ ქვეყანაში კორონავირუსის გავრცელების შესაჩერებლად, შესაძლოა, ზოგიერთი უკვე მოხსნილი შეზღუდვის ხელახლა დაწესება გახდეს საჭირო.
„დაინფიცირების მაჩვენებლის ზრდის გამო, მომდევნო კვირების განმავლობაში ქვეყნის კიდევ უფრო გახსნისკენ ნაბიჯები, შეიძლება, ვეღარ გადავდგათ. პირიქით, შეიძლება უკან დახევაც მოგვიწიოს,“- აღნიშნა გერმანიის ჯანდაცვის უწყების ხელმძღვანელმა.
შეგახსენებთ, გერმანიამ, დღეიდან კორონავირუსის საწინააღმდეგო „ასტრაზენეკას“ ვაქცინის გამოყენება განაახლა.