ძიუდოისტი გიგა ტატიაშვილი შაქარაშვილის საქმეზე ძალადობის ორგანიზების ეპიზოდზე გამართლდა, თუმცა ჯგუფურ ძალადობაში მონაწილეობისთვის სასამართლომ დამნაშავედ ცნო

ძიუდოისტი გიგა ტატიაშვილი ფეხბურთელ გიორგი შაქარაშვილის საქმეზე ძალადობის ორგანიზების ეპიზოდზე გამართლდა. აღნიშნულის შესახებ ჟურნალისტებს საქმის პროკურორმა ვახტანგ ცალუღელაშვილმა განუცხადა. თუმცა, პროკურორის თქმითვე, ტატიაშვილი სასამართლომ დამნაშავედ ცნო ჯგუფურ ძალადობაში მონაწილეობისთვის.

"დღევანდელ სასამართლო სხდომაზე სასამართლომ მხოლოდ დაცვის მხარის დასკვნითი სიტყვები მოისმინდა და ადგილზე გამოაცხადა განაჩენი. რაც შეეხება გამამტყუნებელ განაჩენს, ბრალდების მხარეს ამის მოლოდინი გვქონდა, სასამართლო სხდომაზე ბრალდების მხარის მიერ წარდგენილი იყო მტკიცებულებები, დაიკითხა მოწმეები, მათ შორის დაზარალებულები, გამოკვლეული იყო ნივთმტკიცება, გამოკვლეული იყო ვიდეომასალა. მოცემულ შემთხვევაში, ხუთივე ბრალდებულის მიმართ გამოტანილი იქნა გამამტყუნებელი განაჩენი, მხოლოდ ერთი ბრალდებულის, გ.ტ.-ს შემთხვევაში გამართლდა ის ჯგუფური ძალადობის ორგანიზებაში, თუმცა, სასამართლომ დამნაშავედ ცნო ჯგუფურ ძალადობაში მონაწილეობაზე და ყველა ბრალდებულს სასამართლომ ჯგუფურ ძალადობაში მონაწილეობისთვის 5 წლით თავისუფლების აღკვეთა განუსაზღვრა.

რაც შეეხება, ვ.მ.-ს, ამ შემთხვევაში სასამართლომ ის დამნაშავედ ცნო თავისუფლების უკანონო აღკვეთაში ჩადენილი ჯგუფურად და 9 წლით თავისუფლების აღკვეთა განუსაზღვრა", - განაცხადა ცალუღელაშვილმა.

გაასაჩივრებს თუ არა, პროკურატურა გიგა ტატიაშვილის მიმართ ძალადობის ორგანიზების ეპიზოდზე მის გამართლებას, როგორც ცალუღელაშვილი განმარტავს, ამას მას შემდეგ გადაწყვეტენ, რაც სასამართლოს დასაბუთებული განაჩენი ჩაბარდებათ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით