„ლელოს“ წევრის, საბა ბუაძის განცხადებით, „ქართულმა ოცნებამ“ მოლაპარაკებები ჩაშალა და „მოიქცა როგორც ველური და უპასუხისმგებლო ძალა“.

როგორც ბუაძემ ჟურნალისტებს განუცხადა, მმართველმა გუნდმა ქვეყნის იმიჯს ყურადღება არ მიაქცია.

„ქართულმა ოცნებამ“ მოლაპარაკებები ჩაშალა, მოიქცა როგორც ველური და უპასუხისმგებლო ძალა. არც ჩვენი ქვეყნის იმიჯს და პრესტიჟს არ მიაქცია ყურადღება, არც ქვეყანაში არსებულ ძალიან მძიმე მდგომარეობას. მოიქცა როგორც ველური და უპასუხისმგებლო ძალა, რომელსაც არ აინტერესებს შეთანხმება და გუშინდელი ძალიან ხანგრძლივი და მტკივნეული პროცესი ამის დადასტურება იყო“,- განაცხადა საბა ბუაძემ.