გერმანიის კანცლერის, ანგელა მერკელის განცხადებით, გერმანია უკრაინის ერთ-ერთი უახლოესი პარტნიორია და ის მტკიცედ უჭერს მხარს უკრაინის ტერიტორიულ მთლიანობას. მერკელმა ამის შესახებ გერმანია-უკრაინის ბიზნეს ფორუმის გახსნისას განაცხადა, რომელიც ონლაინ ფორმატში ტარდება.
„ჩვენთვის მნიშვნელოვანი იყო და არის, რომ ევროკავშირმა მტკიცედ და ცალსახად მოახდინოს რეაგირება შვიდი წლის წინ მომხდარ ყირიმის ანექსიაზე და აღმოსავლეთ უკრაინის კონფლიქტზე და რომ ევროკავშირი, სკეპტიკოსების მიუხედავად, გულმოდგინედ იცავს თავის პოზიციას და ყველაფერს აკეთებს, რომ ეს სიტუაცია შეიცვალოს“, - განაცხადა მერკელმა.
კანცლერმა აქვე აღნიშნა, რომ უკრაინას უტყუარი პროგრესი აქვს რეფორმების მხრივ შესყიდვების სფეროში, ენერგეტიკულ სექტორში და ციფრულ საკითხებში, თუმცა სხვა სფეროებში ჯერ კიდევ გზა აქვთ გასავლელი. მან მაგალითად მოიყვანა კორფუციასთან ბრძოლა, სამართლებრივი საკითხები და მიწის რეფორმა.