აზერბაიჯანში კორონავირუსის პანდემიასთან დაკავშირებული სპეციალური საკარანტინო რეჟიმი მიმდინარე წლის 1-ელ ივნისამდე, 06:00 საათამდე გახანგრძლივდა, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, მინისტრთა კაბინეტმა შესაბამის განკარგულებას ხელი უკვე მოაწერა.
ამასთან, მთავრობის გადაწყვეტილებით, ქვეყანაში საზოგადოებრივი ტრანსპორტის მოძრაობა 20-დან 29 მარტამდე შეწყდება. ამის შემდეგ კი, 1 ივნისამდე, საზოგადოებრივი ტრანსპორტი მხოლოდ შაბათსა და კვირას არ იმუშავებს.
შეგახსენებთ, აზერბაიჯანში, ბოლო 24 საათში, კორონავირუსით ინფიცირების 879 და გარდაცვალების 11 ახალი შემთხვევა დაფიქსირდა.