საფრანგეთის პრემიერ-მინისტრი ჟან კასტექსი „ასტრაზენეკას“ კორონავირუსის საწინააღმდეგო ვაქცინით პირდაპირ ეთერში აიცრა. პრემიერს ინექცია ქალაქ სენ-მანდეს სამხედრო ჰოსპიტალში ჩაუტარდა, რომელიც ვალ-დე-მარნის დეპარტამენტში მდებარეობს.
კასტექსმა აცრის შემდეგ განაცხადა, რომ არაფერი უგრძვნია.
როგორც ცნობილია, ხუთშაბათის პრესკონფერენციაზე კასტექსმა განაცხადა, რომ ქვეყნის ხელისუფლებამ მიიღო გადაწყვეტილება 19 მარტიდან განახლდეს „ასტრაზენეკათი“ ვაქცინაციის პროცესი, რომელიც ქვეყანაში მას შემდეგ შეჩერდა, რაც ვაქცინასთან დაკაშირებულ გვერდით ეფექტებს უკავშირდებოდა.
პრემიერმა განაცხადა, რომ აპირებდა აცრას ამ ვაქცინით, რათა მისდამი ნდობა ეჩვენებინა.