გერმანიაში კორონავირუსით ინფიცირების შემთხვევების 72% „ბრიტანულ ვარიანტზე“ მოდის, - ამის შესახებ ინფორმაციას The Guardian-ი ავრცელებს. ქვეყანაში „ასტრაზენეკას“ ვაქცინის გამოყენება რამდენიმე დღიანი პაუზის შემდეგ გუშინ განახლდა.
The Guardian-ი წერს, რომ ვაქცინის გამოყენების შეჩერების შემდეგ გერმანიაში ვაქცინირების მსურველების რაოდენობა მარტის დასაწყისთან შედარებით 2 პროცენტით, 71%-მდე შემცირდა.
ცნობისათვის, გერმანიაში, გასული დღე-ღამის განმავლობაში, კორონავირუსის 16 033 ახალი შემთხვევა გამოვლინდა და ინფიცირებულთა საერთო რაოდენობა 2 645 783-მდე გაიზარდა. ამასთან, ქვეყანაში ვირუსს კიდევ 207 ადამიანის სიცოცხლე ემსხვერპლა და დაღუპულთა რიცხვმა 74 565-ს მიაღწია.