იაპონიაში, მიიაგის პრეფექტურის სანაპიროზე, 7.2 მაგნიტუდის მიწისძვრა მოხდა, რის შემდეგაც ხელისუფლებამ ცუნამის შესახებ გაფრთხილება გამოსცა, - ამის შესახებ ინფორმაციას „დოიჩე ველე“ ავრცელებს.
გამოცემის ცნობით, მიიაგის რეგიონს ცუნამის 1 მეტრამდე სიმაღლის პირველი ტალღები მიწისძვრის შემდეგ მცირე ხანში დაატყდა თავს. იაპონიის მეტეოროლოგიური სააგენტოს განცხადებით, მიწისძვრა ადგილობრივი დილის 6:09 საათზე წყნარი ოკეანის წყლებში მოხდა და მისი სიღრმე 60 კილომეტრს შეადგენდა. მიწისძვრისგან გამოწვეული ბიძგები დედაქალაქ ტოკიოშიც იგრძნობოდა.