ევროკომისიის პრეზიდენტი - ჩვენ შესაძლებლობა გვაქვს, რომ „ასტრაზენეკას“ ვაქცინის დაგეგმილი ექსპორტი ავკრძალოთ

ევროკავშირმა, შესაძლოა, „ასტრაზენეკას“ ვაქცინის ექსპორტი შეაჩეროს, თუ ბრიტანულ-შვედური ფარმაცევტული კომპანია ვაქცინის მიწოდებასთან დაკავშირებულ ვალდებულებას არ შეასრულებს, - შესაბამისი განცხადება ევროკომისიის პრეზიდენტმა ურსულა ფონ დერ ლეიენმა გააკეთა.

"ჩვენ გვაქვს შესაძლებლობა, რომ ავკრძალოთ დაგეგმილი ექსპორტი. ეს არის გზავნილი „ასტრაზენეკასთვის“: სხვა ქვეყნებისთვის მიწოდების დაწყებამდე, თქვენ ასრულებთ ევროპასთან გაფორმებული კონტრაქტის პირობებს", - აღნიშნა ევროკომისიის ხელმძღვანელმა.

მისი თქმით, კომპანიამ 2021 წლის პირველ კვარტალში დაპირებული დოზების მხოლოდ 30%-ის მიწოდება განახორციელა.

„ბრიტანელებისგან არაფერი მიგვიღია, მაშინ როცა ჩვენ მათ ვაქცინებს ვაწვდით,“- აღნიშნა ურსულა ფონ დერ ლეიენმა.

მისი თქმით, ევროკავშირიდან მსოფლიოს 33 ქვეყანაში ვაქცინის მინიმუმ 41 მილიონი დოზაა ექსპორტირებული, მიუხედავად იმისა, რომ ბლოკში ვაქცინების მარაგების დეფიციტია.

„არ შემიძლია, ევროპის მოქალაქეებს ავუხსნა, რატომ ვახორციელებთ ვაქცინების მილიონობით დოზის ექსპორტს იმ ქვეყნებში, რომლებიც თავად აწარმოებენ ვაქცინებს და რომელთაგანაც უკან არაფერს ვიღებთ,“- განაცხადა ევროკომისიის ხელმძღვანელმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით