ავსტრალიური ავიაკომპანიის Qantas-ის აღმასრულებელი დირექტორი ალან ჯოისი სხვა ავიაკომპანიებს მოუწოდებს მხოლოდ ვაქცინირებულ მგზავრებს მოემსახურონ.

მისი თქმით, ვაქცინაციის დოკუმენტის წარდგენა მსოფლიოს მასშტაბით სავალდებულო რაც შეიძლება მალე უნდა გახდეს, რათა ავიაცია პანდემიამდელ მდგომარეობას ეტაპობრივად დაუბრუნდეს.

ალან ჯოისი აცხადებს, რომ მთავრობების უმეტესობა ქვეყანაში შესვლის აუცილებელ პირობად იმუნიზაციას ასახელებს, რაც არასაკმარისია და ავიაკომპანიებსაც უნდა გააჩნდეთ საკუთარი პოლიტიკა და ბილეთები არ გაყიდონ ისეთ მგზავრებზე, რომელთაც ვაქცინაციის დამადასტურებელი დოკუმენტი არ აქვთ. „ჩვენ მგზავრებზე ზრუნვის უდიდესი პასუხისმგებლობა გვაკისრია, თვითმფრინავში მყოფი თითოეული ადამიანი დაცული უნდა იყოს. ჩვენი კვლევის მიხედვით მგზავრთა 90% ამ იდეას მხარს უჭერს“, -განაცხადა Qantas-ის აღმასრულებელმა დირექტორმა.