თურქეთში, გასული დღის განმავლობაში, კორონავირუსის 20 400 ახალი შემთხვევა გამოვლინდა და ინფიცირებულთა საერთო რაოდენობამ 3 მილიონს გადააჭარბა, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, ვირუსს კიდევ 102 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 30 061-ს მიაღწია.

თურქეთში კორონავირუსის წინააღმდეგ მოსახლეობის ვაქცინაციის პროგრამა 14 იანვარს დაიწყო. ამ დროისთვის, ვაქცინის პირველი დოზა 8 მილიონ ადამიანს, ორივე დოზა კი 5 მილიონზე მეტ ადამიანს აქვს გაკეთებული.

იხილეთ ვიდეო:თურქეთში კორონავირუსით დაინფიცირებულთა საერთო რაოდენობამ 3 მილიონს გადააჭარბა