აზერბაიჯანში დღეიდან კორონავირუსის წინააღმდეგ 40 წლის ზემოთ პირების ვაქცინაცია იწყება, - ამის შესახებ ინფორმაციას აზერბაიჯანული მედია ავრცელებს.
მათივე ინფორმაციით, ვაქცინაციის მსურველმა მოქალაქეებმა რეგისტრაცია სპეციალურ საიტზე უნდა გაიარონ. პორტალ Koronavirusinfo.az-ზე განთავსებული ინფორმაციის თანახმად, აზერბაიჯანში კოვიდ 19-ის საწინააღმდეგო ვაქცინა 480 000-ზე მეტ პირს აქვს გაკეთებული.
შეგახსენებთ, აზერბაიჯანში ვაქცინაციის პროცესი ჩინური კომპანია Sinovac-ის ვაქცინით 18 იანვრიდან დაიწყო.